مرکزی حکومت نے مرکز کے زیر انتظام علاقہ جموں و کشمیر اور لداخ کے دیہی علاقوں میں روزگار کے مواقع دستیاب کرنے کے لئے 520 کروڑ روپے کا خصوصی پیکیج دینے کا فیصلہ کیا ہے۔ وزیر اعظم نریندر مودی کی صدارت میں بدھ کے روز یہاں منعقد مرکزی کابینہ کی میٹنگ میں اس تجویز کو منظوری دی گئی۔ میٹنگ کے بعد یہ اطلاعات و نشریات کے وزیرپرکاش جاوڈیکر نے پریس کا نفرنس میں یہ اطلاع دیتے ہوئے بتایا کہ خصوصی پیکیج دین دیال انتودیا اسکیم - نیشنل رورل لیولی ہڈ مشن کے تحت دیا جائے گا۔ انہوں نے کہا کہ اس پیکیج سے 10 لاکھ 58 ہزار کنبے مستفید ہوں گے۔ پیکیج کی مدت پانچ سال ہوگی۔ یواین آئی
Discussion about this post